Sa ilalim ng langit ng umaga
Kumikinang ang iyong mga mata
Sa ilalim ng tubig natutuliro
Hindi makahinga ang iyong puso

Kumalas ka sa kapit ng tinik
Rosas na puting nabahiran ng putik
Ang dating ganda , pilit binabalik
Dalawang pusong 'di dapat magtalik

Kumaliwa ng daan, hindi maaaring
Makita ang mukhang nahuhumaling
Sa dilim ng gabing wala ni isang bituin
Araw na alam nang mayroong ding taning

Ipikit ang mata sa pagsinag ng araw
Sa paghaplos ng init nananatiling maginaw
Isulong ang sirang panaginip ng kahapon
Sakaling maikukulong pa ang mailap na ibon